ಇರುಳ ದೀಪ

ಮನೆಯೊಳಗೆ ಕತ್ತಲು ಕವಿದಿತ್ತು,
ಮನ ಬೆಳಕಿಗಾಗಿ ಕಾಯುತ್ತಿತ್ತು,
ಕಿಟಕಿಯ ಬಳಿ ನಿ೦ತ ನನಗೆ
ಕಾಣಿಸಿತು ನಿನ್ನ ಮೋಹಕ ಮೊಗದ ನಗೆ,

ನೀನು ಇರುಳಿಗೆ ದೀಪ,
ನೆನಪುಗಳ ಪ್ರತಿರೂಪ,
ನೀನಿರುವ ಊರಲ್ಲಿ ದೀಪವೇ ದೀಪ,
ಮೈಮರೆತೆ ನೋಡಿ ನಿನ್ನ ಝಗಮಗಿಸುವ ರೂಪ...
ನಿಲುಕದೆ ನೀನಿರುವೆ ನೀಲಕಾಶದಲ್ಲಿ,
ಮನೆ ಮಾಡಿರುವೆ ಎಲ್ಲರ ಮನದಲ್ಲಿ....
ತನ್ನ ಕ೦ದನಿಗಾಗಿ ಹಾಡುವ ತಾಯಿಯ ಜೋಗುಳದಲ್ಲಿ..
ಪ್ರೇಯಸಿಯ ಓಲೈಸುವ ಒಲವಿನ ಕರೆಯೊಲೆಯಲ್ಲಿ..
ಭಾವನೆಗಳ ಆಗರವಾಗಿರುವ ಕವಿಗಳ ಕವನದಲ್ಲಿ...
ಈ ನನ್ನ ಪುಟ್ಟ ಹೃದಯ ನೈದಿಲೆಯಾಗಿ ಅರಳಿದೆ ಬಲ್ಲೆಯಾ?
ಎಲ್ಲೋ ಇರುವ ಗೆಳೆಯಗೆ ನನ್ನ ಮನದ ಸ೦ದೇಶ ನೀಡುವೆಯಾ?
ನಿನ್ನ ಬೆಳದಿ೦ಗಳ ರಾಶಿಯಲಿ ಅವನೊಡಗೂಡಿ ನಡೆಯುವ ನನ್ನ ಮನದ ಹ೦ಬಲ..ತಿಳಿಸುವೆಯಾ?