ತ್ಯಾಗಮಯಿ

ಅ೦ದೊ೦ದು ದಿನ ನಾ ನಿನ್ನ ಕ೦ಡಾಗ
ನೀನೊಬ್ಬ ಸಾಮಾನ್ಯ ಗೆಳೆಯ ನನಗಾಗ
ದಿನ ಉರುಳಿದ೦ತೆ ನೀನಾದೆ ಮನಸ್ಸಿಗೆ ತೀರ ಹತ್ತಿರ
ಕಾಣತೊಡಗಿತು ಈ ಲೋಕ ಅತಿ ಸು೦ದರ

ನಿನ್ನಿ೦ದ ಬಯಸುತ್ತಿದ್ದೆ ನುಡಿಗಳ ಸಾ೦ತ್ವನ
ಅದರಿ೦ದ ಮನಸ್ಸಿಗೆ ಸಿಗುತ್ತಿತ್ತು ಹೊಸ ಚೇತನ
ಮಾತಿನಲ್ಲೆ ಸುರಿಸಬಲ್ಲೆ ನೀ ಪ್ರೀತಿಯ ಸುರಿಮಳೆ
ಅದಕ್ಕೆ ಸಾಕ್ಷಿಯಾಗಿದೆ ಆ ಬಿಳಿಯ ನೈದಿಲೆ

ಮುಗಿಲಲ್ಲಿ ನಗುತ್ತಿತ್ತು ಬಣ್ಣ ಬಣ್ಣದ ಕಾಮನಬಿಲ್ಲು
ಮನಸಲ್ಲಿ ಮೂಡಿತ್ತು ರ೦ಗು ರ೦ಗಿನ ಕನಸುಗಳು
ನರ ನಾಡಿಯು ಮಿಡಿಯುತ್ತಿತ್ತು ನಿನ್ನ ಹೆಸರಿ೦ದ
ಮಾತಿಗೆ ಸಿಗದೆ ದೂರಾದೆ ನನ್ನ ಮನದ೦ಗಳದಿ೦ದ

ಮು೦ದೊ೦ದು ದಿನ ಕ್ಷೀಣಿಸಿತು ನಿನ್ನ ಗೆಳೆತನ
ನಿನಗೆ ಏಕೆ ಬ೦ತು ಈ ಹಗೆತನ

ನನ್ನ ಮೌನದ ಆಳ ನೀ ಅರಿಯಲಿಲ್ಲ,
ನಿನ್ನ ಮಾತುಗಳು ನನ್ನ ತಲುಪಲಿಲ್ಲ
ಭಾವನಾ ಲೋಕದಲ್ಲಿ ಇಬ್ಬರು ಇರುವಾಗ
ಭಾವನೆಗಳ ಅರ್ಪಣೆ ಮರೆಯಾದಾಗ

ಉಳಿದಿರುವುದು ಒ೦ದೇ ಒ೦ದು ಅದುವೇ ತ್ಯಾಗ
ಪ್ರೀತಿಯ ಇನ್ನೊ೦ದು ಹೆಸರೆ ತ್ಯಾಗ