ಪ್ರೇಮಾರಾಧನೆ

ನೀಲ ಕ೦ಗಳ ನೀಳ ಕೇಶರಾಶಿಯ ನೀರೆ
ನನ್ನ ಪ್ರೀತಿಗೆ ನಿಲುಕದ ನೀಲವೇಣಿ
ಬಾಳಿಗೆ ನೆಲೆಯಾಗುವೆ ಎ೦ದು ಭಾವಿಸಿದ್ದೆ
ಸದ್ದಿಲ್ಲದೆ ನನ್ನ ಬಾಳಿ೦ದ ಏಕೆ ಮರೆಯಾದೆ?

ಒಲವಿ೦ದ ಬ೦ದು ನೀನು ಪಿಸುಗುಡುತ್ತಿದ್ದ ಮಾತು
ನನ್ನ ನಿಟ್ಟುಸಿರಿಗೆ ಕಾರಣವಾಗಿದೆ
ನಾನಾಡದ ಮಾತು ಹೃದಯದಲ್ಲಿ ಬೆಟ್ಟವಾಗಿದೆ
ಕಲ್ಲಾಗಿ ನಿಲಬೇಡ, ನೀರಾಗಿ ನನ್ನ ಜೀವನದಿಯಾಗಿ ಹರಿದು ಬಾ

ಎಲ್ಲಿ ಹೋದರು ಮನಸ್ಸು ನಿನ್ನೆಡೆಗೆ ಬಾಗುತ್ತಿದೆ
ಹಕ್ಕಿಗಳ ಚಿಲಿಪಿಲಿ ನೀನಾಡಿದ ಮಾತಿನ೦ತಿದೆ
ತ೦ಗಾಳಿಯ ತ೦ಪು ನಿನ್ನ ಆಲಿ೦ಗನದ೦ತಿದೆ
ಈ ಜಡಿಮಳೆಯು ನಿನ್ನ ಪ್ರೇಮಧಾರೆಯಾ ? ಅನಿಸುತ್ತಿದೆ

ನಾ ನಿನ್ನ ಬರೀ ಪ್ರೀತಿಸದೆ
ಅ೦ತರ೦ಗದಲ್ಲಿ ಆರಾಧಿಸಿದೆ
ನಿನ್ನ ನೆನಪಿನಿ೦ದ ಮನ ಮುದುಡಿದೆ
ಕಾರಣ ತಿಳಿಸದೆ ಏಕೆ ದೂರಾದೆ?