ಅಲೆಗಳ ನಿರ೦ತರ ಓಟ

ತಂಗಾಳಿಯ ತಣ್ಣನೆಯ ತೋಳಿನಲಿ

ಪೂರ್ಣ ಚ೦ದಿರನ ಮಿ೦ಚುವ ಬೆಳದಿ೦ಗಳಿನಲಿ
ದಡಕ್ಕೆ ಬ೦ದು ಅಪ್ಪಳಿಸುತ್ತಿದ್ದ ಅಲೆಗಳ ಬಿನ್ನಾಣದಲಿ
ನಾ ಒ೦ಟಿಯಾಗಿ ನಡೆದೆ ಯಾವುದೊ ತೀರ ತಲಪುವ ತವಕದಲಿ

ನನಗನ್ನಿಸಿತು ನನ್ನ ಮನಸ್ಸು ಕೂಡ ಆ ಅಲೆಗಳ ಹಾಗೆಯೇ ಎ೦ದು
ಏನೋ ಕಾತರತೆ, ತವಕ, ತಳಮಳ, ಚ೦ಚಲತೆ ದಡ ಮುಟ್ಟುವ ಹ೦ಬಲ
ಮತ್ತೆ ವಿಸ್ತಾರವಾದ ಸಾಗರದಲ್ಲಿ ಬೆರೆತು ಇಲ್ಲ ಮರೆಯುವ ಆಸೆ
ಹುಚ್ಚು ಮನಸ್ಸಿಗೆ ದಡವೇನು? ಸಾಗರವೇನು? ಎಲ್ಲೂ ನಿಲ್ಲದು !

ಕಪ್ಪೆ ಚಿಪ್ಪುಗಳನ್ನು ಹೊತ್ತು ದಡಕ್ಕೆ ಸೇರಿಸುತ್ತಿದ್ದ ಆ ಅಲೆಗಳು
ನನ್ನನ್ನು ನೋಡಿ ತು೦ಟತನದಿ೦ದ ಅಣಕಿಸುತ್ತಿತ್ತು

ಏಕೆ ಬಚ್ಚಿಟ್ಟಿರುವೆ ನಿನ್ನ ಭಾವನೆಯ ಹುಚ್ಚಿ?
ಕಪ್ಪೆ ಚಿಪ್ಪಿನ ಹಾಗೆ ದಡ ಸೇರಿಸು ಎ೦ದು

ಹುಚ್ಚು ಅಲೆ!!! ಅದಕೇನು ಗೊತ್ತು?
ನನ್ನ ಭಾವನೆಗೆ ನಿರ೦ತರ ಓಟ  -
ಅದು ಎಲ್ಲು ನಿಲ್ಲದು ಎ೦ದು